राष्ट्रिय स्वतन्त्र पार्टीको अग्रता बीच मकवानपुरमा बाजी राखेको कागज सार्वजनिक
प्रकाशित मिति
March 7, 2026पढ्न लाग्ने समय
१ मिनेट पढ्न लाग्ने
नेपाल कलम
२३ फाल्गुन २०८२, शनिबार प्रकाशित
देशभर राष्ट्रिय स्वतन्त्र पार्टीका उम्मेदवारहरू अग्रस्थानमा देखिन थालेका बेला मकवानपुरमा पनि सोही पार्टीका उम्मेदवारहरू अघि देखिएको प्रारम्भिक मतगणनाले संकेत गरेको छ।
यसैबीच हेटौंडामा मतदानअघि चुनावी परिणामलाई लिएर केही व्यक्तिहरूले बाजी राखेको कागज सार्वजनिक भएको छ। सार्वजनिक कागजअनुसार एक पक्षले राष्ट्रिय स्वतन्त्र पार्टी देशको पहिलो पार्टी बन्ने दाबी गरेको छ भने अर्को पक्षले नेपाली कांग्रेस नै पहिलो पार्टी बन्ने दाबी गरेको उल्लेख गरिएको छ।
उक्त दाबीलाई आधार बनाएर दुवै पक्षबीच १५ हजार रुपैयाँको बाजी राखिएको बताइएको छ। चुनावको अन्तिम परिणामअनुसार हार्ने पक्षले उक्त रकम विजयी पक्षलाई दिनुपर्ने सहमति भएको जनाइएको छ।
निर्वाचनको अन्तिम परिणाम भने मतगणना सम्पन्न भएपछि मात्रै स्पष्ट हुने जनाइएको छ।
कागजमा उल्लेख भएको OCR सामग्री
मिति: २०८२/११/२३
आज मिति २०८२/११/२३ गते रेडी किचेनमा बसेको बैठकमा उपस्थित नागरिकहरू तथा साक्षीहरूको बीच छलफल गरिएको हो। छलफलका क्रममा एक पक्षले राष्ट्रिय स्वतन्त्र पार्टी देशको पहिलो पार्टी बन्ने दाबी गरेको र अर्को पक्षले नेपाली कांग्रेस नै देशको पहिलो पार्टी बन्ने दाबी गरेको विषयमा सहमति गरिएको छ।
सोही विषयलाई लिएर दुवै पक्षबीच १५,००० (पन्ध्र हजार) रुपैयाँ बराबरको बाजी राखिएको छ। चुनावको अन्तिम परिणामअनुसार हार्ने पक्षले उक्त रकम विजयी पक्षलाई दिनुपर्ने सहमति गरिएको छ।
यस सहमतिमा केही व्यक्तिहरू साक्षीका रूपमा उपस्थित रहेको जनाइएको छ।
