ताजा समाचार

जन्मदिनको अवसरमा शिक्षकद्वारा विद्यार्थीलाई स्टेशनरी सहयोग

प्रकाशित मिति

February 3, 2026

पढ्न लाग्ने समय

१ मिनेट पढ्न लाग्ने
जन्मदिनको अवसरमा शिक्षकद्वारा विद्यार्थीलाई स्टेशनरी सहयोग

हेटौंडा, मिति —२०८२-१०-२०
हेटौंडा उपमहानगरपालिका–१९ स्थित श्री अर्निको माध्यमिक विद्यालयकी शिक्षिका विणा घिसिङ सिटौलाले आफ्नो जन्मदिनको अवसरमा विद्यालयमा अध्ययनरत गरिब तथा जेहनदार विद्यार्थीहरूलाई स्टेशनरी सामग्री वितरण गर्नुभएको छ।

शिक्षिका सिटौलाले विद्यार्थीहरूको अध्ययनमा सहजता र शैक्षिक प्रोत्साहन प्रदान गर्ने उद्देश्यले कापी, कलम, पेन्सिललगायत आवश्यक स्टेशनरी सामग्री सहयोग स्वरूप वितरण गर्नुभएको हो। जन्मदिनलाई औपचारिक उत्सवमा सीमित नराखी सामाजिक उत्तरदायित्वसँग जोडेर गरिएको यो कार्य अनुकरणीय रहेको सहभागीहरूको भनाइ छ।

कार्यक्रमका अवसरमा विद्यालयका प्रधानाध्यापक बिष्णु परियारले विद्यालयमा कार्यरत सबै शिक्षक–शिक्षिकाहरूको जन्मदिनमा यस्तै शैक्षिक तथा सामाजिक सहयोगका कार्यक्रम सञ्चालन हुँदै आएको जानकारी दिनुभयो। उहाँले शिक्षकहरूको व्यक्तिगत खुसीलाई विद्यार्थीको हितसँग जोड्ने अभ्यासले विद्यालयमा सकारात्मक शैक्षिक वातावरण निर्माण गर्न महत्वपूर्ण योगदान पुर्‍याएको बताउनुभयो।

कार्यक्रममा विद्यालयका शिक्षक–शिक्षिका, विद्यार्थी तथा विद्यालय परिवारको उपस्थिति रहेको थियो। सहभागीहरूले शिक्षिका सिटौलाको मानवीय र प्रेरणादायी कार्यको प्रशंसा गर्दै यस्ता गतिविधिले विद्यालय र समुदायबीचको सम्बन्ध अझ सुदृढ बनाउने धारणा व्यक्त गरेका छन्।

ट्यागहरू: ट्यागहरू छैनन्
साझा गर्नुहोस्

सम्बन्धित समाचारहरू

वीरगन्जका मेयर राजेशमान सिंहसहित ७ जनाविरुद्ध भ्रष्टाचार मुद्दा ताजा समाचार

वीरगन्जका मेयर राजेशमान सिंहसहित ७ जनाविरुद्ध भ्रष्टाचार मुद्दा

वीरगन्जका मेयर राजेशमान सिंहसहित ७ जनाविरुद्ध झुटा कागजातमार्फत नागरिकता दिलाएको आरोपमा भ्रष्टाचार मुद्दा दायर भएको…

स्वास्थ्य मन्त्रालयले ११ स्वास्थ्य संस्थाबाट रु १.७८ करोडभन्दा बढी शुल्क असुल गर्ने निर्णय ताजा समाचार

स्वास्थ्य मन्त्रालयले ११ स्वास्थ्य संस्थाबाट रु १.७८ करोडभन्दा बढी शुल्क असुल गर्ने निर्णय

स्वास्थ्य मन्त्रालयले ११ स्वास्थ्य संस्थाबाट बेड अनुसार नतिरेक शुल्क असुल गर्ने निर्णय गरेको छ, कुल…

पूर्व गृहमन्त्री सुदन गुरुङ पुनः गृह मन्त्रालय फर्किने तयारीमा People & Leadership

पूर्व गृहमन्त्री सुदन गुरुङ पुनः गृह मन्त्रालय फर्किने तयारीमा

सम्पत्ति विवादमा छानबिन समितिबाट निर्दोष साबित भएपछि रास्वपाका सुदन गुरुङ पुनः गृहमन्त्री बन्ने भएका छन्।…

पोखरामा अपाङ्गता भएका यात्रुलाई नरोक्ने बस चालकलाई जरिवाना ताजा समाचार

पोखरामा अपाङ्गता भएका यात्रुलाई नरोक्ने बस चालकलाई जरिवाना

पोखरामा अपाङ्गता भएका यात्रुका लागि बस नरोकिएको भिडियो सार्वजनिक भएपछि कास्की ट्राफिक प्रहरीले सम्बन्धित बस…